وش يعني الفنجان لا صار طفاح

مدخل:
لانـي من الشعــــــار ولا لـــــيه طـــاري
يا من يحسب أبياتي كم واحد(ن) طاح
ما هو بعد البيــوت وجهــــــة القــــاري
بيت(ن) من المعاني بالمسك فــــوّاح
عن ميـة بيت(ن) ما يســـــاون مداري
ويا ســــامع الهرج مقصـدي وضّــــــاح
أفطن كلامـي زين يا من غـدى ســاري
وبالله علــــمني.. يا من لفــــــا ســـوّاح
من يداوي القــــلب والعوق مسهــــاري؟
وأمسى لــهيب الشوق من شدته لفّـــاح
ووين السبيـــل يا عيـــــــون العــذاري
لا غـــــدى المــزن من الوجد طـــرّاح؟؟
*****
محماســـنا مــا يـوقف ونارنــــا ما تنطـــــفا..
وتشهد لنا كل العرب بحسن الخلق والوفا
مير ان مخـــــاوي الذيب "ما يبطن" خفا
يجيك بالمحبه يوم ويلفـــــاك يوم(ن) بالجفا

يا ذيب ياللـــــي فالصحاري تعاوي
اشهد على قلب(ن) من الشوق نضّاح
يا ذيب قلــــي فذا الليل من يأوي
روح(ن) فموضع الموت والوجد فضّــــاح
يا من يخــفف على النجـــود البـــلاوي
دامه طبيب القلــــب عـن ديرتــــي راح
يا متعب(ن) قلبي ويا مزيد الشقــــاوي
اشتقت لك عد ما ضوى السهيل ولاح
يا منيتـــي يا مـــرادي يا من يســــاوي
مليـون بيت(ن) من القصيــد لمّــــاح
يا مهجـــــة العين وللمصاب المـــــداوي
وش حيلتـي دام عودك للخشم فــــاح؟
وعيــّــه الخفــوق عن عشقــك سهاوي؟
مريض(ن) عليل يوف(ن) والحشا ناح
يا من يـأشر علــى خيـــول البـــــداوي
تفـــداك مهـرة(ن) بعيونها الكحل ســاح
ولشوفك انتــــه ما تساوي النســــــاوي
مهــره أصيلــه تلبـي اليـــوف لاصــاح
ويا من غدى للذيب صاحب ومخاوي
أحذر ترى الذيــب بطبعــــه ذبــّـــاح
يا ذيب بلــــــغ ضيوفنـــا بالمعــــــاوي
بأن اللي قاصد المهــا دمه يســاح
ويا ضيف يا من لفــانا قاصد المهاوي
ما عنــدنا مطلبـك ولقمتــك تنســـــاح
علم مخاوي الذيب يا ساقي القهــــاوي
وش يعني الفنجـان لا صــار طفّـــــاح؟
أحذر تعشق المها تجيك البـــــلاوي
وأنت سهــي بعين من رمشهـــــا ذبـّـاح
يا من يجي للمــوت ســـايق الزهـــــاوي
المهـــــا (ل)بن عمهـــــا محيّره برمــــاح