صرتي قبيحه ايه صرتي قبيحه

#poem_4c85838905908 td {
font-family: arial, helvetica, sans-serif;
font-size: large;
font-weight: bold;
}

صرتي قبيحه ايه صرتي قبيحه

من عقب ذاك الحسن ماعاد تسوين

انا صريح ٍ وانتِ منتي صريحه

شف زينك اللي كان عوّد يجي شين

القلب لك جوال وانتي شريحه

هذاك وقت(ن) فات ماهو بذا الحين

كريم مدري كيف يهوى شحيحه

وشحيح حاوِل حاوِل خوّة شحيحين

لي بيرق ٍ يابنت صعب ٍ مطيحه

كم حاولوا قبلك من الناس الاقصين

مااحتاج حبك لاا ولا لي بريحه

كبدي تحوم وباقي(ن) قاب قوسين

معذور جراح(ن)نسى للجريحه

ماحس في الكيّه ولا حس في البين

لامات مجروحه عسى الله يبيحه

وان عاش عاش ودارج الدمع بالعين

ومافيه قانون(ن) يجازي مليحه

لو كانت الطعنه تجي في الشرايين

مصيبة القاااانون واكبر فضيحه

يجحد حقوق الحب وسلم المحبين

وصرتي قبيحه ايه صرتي قبيحه

من عقب ذاك الحسن ماعاد تسوين